Драги ученици, почитувани родители,
Со нетрпение ја очекуваме повторната средба со Вас. Фокусирани сме на планирање на уште една
предизвикувачка и непредвидлива учебна година, каде што дефинитивно ќе ни биде потребна меѓусебна поддршка и разбирање.
Особено ги поздравуваме нашите правчиња и нивните родители! Веруваме дека ја споделуваме возбудата за првиот училишен ден.
Ќе ви претставиме во неколку точки како ја замисливме организацијата на животот и работата во Училиштето.
- Организација на наставата
Училиштето ги прилагоди условите за реализирање на наставата согласно Планот и Протоколот донесени од МОН со цел обезбедување непречен воспитно-образовен процес и обезбедување потребни мерки за заштита и намалување ризик од ширење на корона вирусот.
Наставата започнува во среда, 01.09.2021г со физичко присуство на сите ученици со почитување на Протоколот за наставата со физичко присуство и со распоред што ќе важи за сите ученици. Училиштето е подготвено за промена на овој модел на реализирање на наставата доколку дојде до измени на епидемиолошката состојба во државата, регионот или општината.
ПРВ УЧИЛИШЕН ДЕН
I ОДДЕЛЕНИЕ
• Првоодделенците во придружба на нивните родители доаѓаат во училишниот двор во 10,00 часот
• Родителите и учениците треба да носат заштитни маски
• Во училишниот двор ќе се одржи свеченост и распределба на паралелките, а родителите ќе добијат информации за почетокот на учебната година
•Првооделенците ќе се запознаваат со основните правила во училиштето
VI ОДДЕЛЕНИЕ
• На првиот училишен ден пристигнуваат во 8 часот во училишниот двор каде ќе се врши распределба на паралелките
• Одделенските раководители ги превземаат и водат учениците, кои ги дезинфицираат рацете, им се мери температура и одат во матичната училница:
• На првиот училишен ден, ќе имаат 2 часа настава
• Учениците треба да понесат заштитна маска
• Учениците ќе добијат информации за почетокот на учебната година
Училиштето има подготвено Протокол за учениците кои ќе следат настава со физичко присуство,
со кој ќе бидат запознати и на кој треба да се придржуваат.
2.Распоред по смени:
ЦЕНТРАЛНО УЧИЛИШТЕ
ПРВА СМЕНА II,IV,VI и VIII одд – почеток во 7,15 часот
ВТОРА СМЕНА I,III,V, VII и IX одд – почеток во 13 часот
ПОДРАЧНО УЧИЛИШТЕ – РИД
ПРВА СМЕНА IV одд. – почеток во 7,15 часот
Iд и II одд – почеток во 8 часот
ВТОРА СМЕНА I г, III и V одд – почеток во 13 часот
Влегување на учениците во училиште
- Учениците како група/паралелка, почитувајќи го потребно физичко растојание,чекаат нивниот наставник да ги повика и води до училницата.
- На првиот ден ( среда 1 септември), учениците пристигнуваат во училиштето според распоредот (освен учениците од прво и шесто одделение).Ги пречекуваат одделенските/ предметните наставници, им се мери температура, ги дезинфицираат рацете, одат во своите училници.
- Учениците ќе имаат два часа настава, ќе добијат информации за почетокот на учебната година,
- Учениците треба да носат заштитна маска.
Многу е важно учениците да доaѓаат на училиште во закажаното време со цел да се избегнуваат гужви.
Сите ученици секогаш ги користат истите патеки – за влегување во училиштето, движење по ходниците, одење дома...
Учениците ќе влегуваат во централното училиште од 3 влеза. Учениците од една паралелка ќе користат една училница.
Задолжително е носење на заштитна маска.
3.Распоред за влегување на учениците
ПРВА СМЕНА ВТОРА СМЕНА
ВРЕМЕ | МЕСТО | ОДДЕЛЕНИЈА II, IV, VI , VIII | ВРЕМЕ | МЕСТО | ОДДЕЛЕНИЈА I, III, V, VII, IX | |
7ч 00м | ВЛЕЗ 1 | IVв | 13ч 00м | ВЛЕЗ 1 | I в | |
7ч 00м | ВЛЕЗ 2 | IVб | 13ч 00м | ВЛЕЗ 2 | I б | |
7ч 00м | ВЛЕЗ 3 | IVа | 13ч 00м | ВЛЕЗ 3 | I а | |
7ч 05м | ВЛЕЗ 1 | VI в VIII д | 12ч 45м | ВЛЕЗ 1 | III а | |
7ч 05м | ВЛЕЗ 2 | VI а VIII а | 12ч 45м | ВЛЕЗ 2 | III в V в | |
7ч 05м | ВЛЕЗ 3 | VI б VIII г | 12ч 45м | ВЛЕЗ 3 | V а V б | |
7ч 10м | ВЛЕЗ 1 | VIII б | 12ч 50м | ВЛЕЗ 1 | IX a VIIв | |
7ч 10м | ВЛЕЗ 2 | VI г VIII в | 12ч 50м | ВЛЕЗ 2 | III б IXд | |
7ч 10м | ВЛЕЗ 3 | VIд | 12ч 50м | ВЛЕЗ 3 | IX в VIIг | |
7ч 50м | ВЛЕЗ 1 | IIа | 12ч 55м | ВЛЕЗ 2 | VIIа IXг | |
7ч 50м | ВЛЕЗ 2 | IIб | 12ч 55м | ВЛЕЗ 1 | VIIд | |
7ч 50м | ВЛЕЗ 3 | IIв | 12ч55м | ВЛЕЗ 3 | VIIб IXб |
4. Уште неколку зборови на крај Сите сме исполнети со радост и ги чекаме нашите ученици, но и исто толку сме претпазливи што треба да ги чуваме и заштитиме децата и ние самите. Целиот наш напор, внимание и детална подготовка ќе биде залудна без Ваша поддршка.
Почитувани родители,
Апелираме и Ве повикуваме на одговорна соработка, да ги подготвиме нашите ученици, Ваши деца да ги почитуваат воведените нови правила.
Со искрена почит, на сите ученици им посакуваме среќен почеток на новата учебна година со верба и надеж дека наскоро нема да битат потребни посебни ограничувања и тешки правила.
Директор, стручни соработници, наставници и
останати вработени во Училиштето
Датум, 31.08.2021 г.